20.06.2018

СӨ култууратын уонна духуобунаһын министиэристибэтэ Дьокуускай куорат дьаһалтата Аан дойдутааҕы хомус түмэлэ уонна киинэ

ТУЙМААДА ЫҺЫАҔА 2018

«Хомус – дьиэ кэргэн биһигэ»

КҮРЭХ БАЛАҺЫАННЬАТА

Күнэ-дьыла уонна буолар сирэ:

Бэс ыйын 23 күнэ, киэһэ 17.00 ч.

Дьокуускай куорат, Үс хатыҥ ыһыахтыыр сир, 7№ Тойук тоҕойо, Хомус кырдала түһүлгэ

 

Тэрийээччилэр:

Аан дойдутааҕы хомус түмэлэ уонна киинэ,

Дьокуускай куорат дьаһалтатын култуураҕа уонна духуобунаска салалтата

 Күрэх сыала:

- Дьиэ кэргэнинэн хомуһу тардыыны сайыннарыы уонна көҕүлээһин;

- Дьиэ кэргэн үтүө үгэстэрин үйэтитии.

Соруктар:

- Дьиэ кэргэн иһигэр бары көлүөнэ хомус тардар таһымын үрдэтии;

- Оҕолору, ыччаты норуот үгэстэригэр үөрэтиини көҕүлээһин;

- Саҥа талааннары арыйыы. 

 

 

Кытталлар:

- Күрэххэ хомус тардар дьиэ кэргэттэр кытталлар;

- Дьиэ кэргэн хайаан да иккиттэн аҕыйаҕа суох көлүөнэни кытыннарар (төрөппүт уонна оҕо, эһээ, эбээ уонна сиэн о.д.а.).

 

Күрэх түһүмэхтэрэ уонна ирдэбиллэр:

1). Сахалыы таҥастаах бэйэни билиһиннэрии. Бэйэни билиһиннэрии уратыта уонна дьиэ кэргэн толору кыттара ордук сыаналанар. Сахалыы таҥас үгэһи тутуһан тигиллибит, хас биирдии кыттааччы таҥаһа дьүөрэлэһэр буолара биһирэнэр.

2). Хомус тардан иһитиннэрии. Толоруу маастарыстыбата, үгэһи тутуһуу, музыкальнайа уонна тэҥҥэ охсуу сыаналанар. Сахалыы атын музыкальнай инструменнары туттар көҥүллэнэр, ол эрэн хомустан ордук чорбойуо суохтаах. Регламент 5 мүн.

 

Наҕараадалар уонна анал ааттар:

Күрэх түмүгүнэн I, II, III миэстэлэр уонна 7 анал аат иҥэриллэр.

 

Дьүүллүүр сүбэ:

Дьүүллүүр сүбэҕэ култуура эйгэтигэр биллэр уонна дьиэ кэргэн политикатыгар үлэлэһэр идэлээх дьон, Хомус түмэлин уонна аан дойдутааҕы киинин үлэһиттэрэ киирэллэр.

 

Тэрээһин:

- айаны уонна бары ороскуоту кыттааччы бэйэтэ уйунар;

- сайаапкалары бэс ыйын 20 күнүгэр диэри маннык аадырыска ыытаҕыт:

Дьокуускай куорат, Хомус түмэлэ уонна аан дойдутааҕы киинэ,

Киров уулуссатын 31 дьиэтэ, 3 этээс.

Электроннай почта: ilkhomus1990@

mail.ru , төл./факс 8 (4112) 42-86-75

Возврат к списку