21.06.2018

ТУЙМААДА ЫҺЫАҔЫН

ОҺУОХАЙ КҮРЭҺИН БАЛАҺЫАННЬАТА 

Ыһыах уонна Оһуокай саха омуга түҥ былыргыттан илдьэ кэлбит национальнай култууратын арахсыспат ситимнээх бигэ өйдөбүллэрэ.

Оттон Оһуокай диэн сахалар биир былыргы сиэрдэрэ-туомнара, кинилэр күн-дьыл эргиирин үгэстэрин, самаан сайын сатыылаан турдаҕына, күн саамай уһаан турар кэмигэр толорор Алгыстара - күҥҥэ сүгүрүйүү, күнү көрсүү туомуттан төрүттэнэн кэлбит ытык сиэр.

Оһуокай ус улуу идэни түмпүт көстүү- Тылы, Үҥкүүнү, Ырыаны. Тыл абылаҥын, тыл кэрэтин, тыл кэрэтин үүннээбиит-тэһииннээбит Хоһоонньут киһи Оһуокай этээччи дэнэр. Билиҥҥи кэмҥэ төрүт тылбытын харыстаан, саха тылын сүмэһинин Оһуокай нөҥүө ыччакка тиэрдэр үлэ ыытабыт.

Онон төрөөбүт тылбыт баайын сурукка-бичиккэ толору туттубут   саха литературатын биир төрүттээччи Былатыан Ойуунускай төрөөбүтэ 125 сылыгар быйылгы Туймаада Оһуокайын күрэһин аныырга диэн Саха Сирин Дархан этээччилэрин сүбэтэ (бэрэссэдээтэл А.И.Кривошапкин) быһаарда.

Саха оһуокайын сүрүн күрэһэ - Туймаада Оһуокайа ыраахтан-чугастан ыалдьыттары ыҥырар! Үс Хатыҥ үрдүнэн Оһуокай күүстээх-абылаҥнаах тыллара, лыҥкынас көмүс дорҕоонноро кыырай халлааҥҥа өрө көтөннөр бар дьоҥҥо дьолу-соргуну тускулаатыннар, үрдүк үөрүүнү үөскэтиннэр, Саха омук түмсүүтүн түстээтиннэр!

 

Бастакы түһүмэх – Бэс ыйын 12 күннэригэр сүүмэрдиир түһүмэҕэ саҕаланар. Былатыан Ойуунускай 125 сааһыгар тиэмэлээх баай тыллаах-өстөөх, баҕалаах этээччилэр Дьокуускай куорат пааркатыгар   күрэс күрэстэн 4 сааһынан 4 бөлөххө арахсан, 12 бастыҥы быһаарсаллар. Этэр кэмнэрэ болдьохтоох, кынаттарын бэйэлэрэ илдьэ кэлэллэр.

Иккис түһүмэх – Бэс ыйын 23 күнүгэр Дьокуускай куорат, Үс Хатыҥ 3 нүөмэрдээх КИИН түһүлгэтигэр 14.00 чаастан – түүн 3 чааска дылы   ыытыллар. Үс Хатыҥҥа, пааркаҕа кыттан сүүмэрдэммит 12 этээччилэр уонна (Саха республикатын “Дархан этээччилэрэ”) Туймаада ОҺуокайын сүрүн бирииһигэр киирсиэхтэрэ, болдьохтоох кэмнэрэ – бириэмэтин (мөнүүтэтин) күрэх Дьүүллүүр сүбэ (бэрэссэдээтэл А.Д.Данилов) буолар күнүгэр быһаарыахтара.

Үһүс түһүмэх – Бэс ыйын 24 күнүгэр, Үс Хатыҥҥа, 4 – с нүөмэрдээх түһүлгэҕэ сарсыарда 11 – тэн киэһээ 17 чааска дылы Көҥүл Оһуокай буолуо. Онно ким баҕалаах кэлэн оһуокай этиэн сөп.

Ыһыахха куорат тэрилтэлэрин түһүлгэтин тэрийээччилэрин ыҥырыыларынан Оһуокай Түмсүү этээччилэрэ кэлэн, оһуокай этиэхтэрин сөп. Ону түһүлгэ тэрийээччилэрэ эрдэттэн Оһуокай Түмсүүгэ (89142385487, 421155 төл.) сайаапка түһэриэххитин наада.

  

 

Күрэс сыала-соруга:

- Ытык Оһуокайы Саха Сиригэр, саха омук олохсуйбут сирдэригэр тарҕатыы-тэнитии, Аан Дойдуга олохтоох атын омуктарга киэҥник билиһиннэрии;

- Саха улуу суруйааччытын, хоһоонньутун, ийэ тыл баайын норуокка киэҥник тарҕаппыт Былатыан Ойуунускайы уруйдааһын

- Оһуокайы уус-уран айымньыы быһыытынан бөҕөргөтүү;

-Төрүт үгэстэри дьоҥҥо, ыччакка тарҕатыы, куһаҕан тыыннаах сабыдыалтан тэйитии;

- Былыргы Ытык Оһуокай алгыс тылларын сөргүтэн, умнуллан эрэр духуобунай күүһүн бөҕөргөтүү.

- Саха дьонун кутун-сүрүн алгыстаах тылларынан чөлүгэр түһэрии

 

 

Кыайыыны быһаарар ирдэбиллэр 

- Этээччи хоһуйуутун ис хоһооно, уус-уран тыла, амарах алгыс тыла, үтүө дьайыылаах хоһооно.

- Этээччи куолаһа чуора-кэрэтэ, түһүлгэни тутара, сахалыы таҥаһа-саба, сиэри-туому тутуһуута, хамсаныыта.

- Оһуокай түһүмэхтэрин тутуһуу (туойан саҕалааһына, хаамтарыыта, көтүтүүтэ, налытыыта)

- Саха Түөлбэ оһуокайдарын билсии, үөрэтии, көҕүлээһин.

 

Кыттааччыларга ирдэбил 

Бастакы түһүмэххэ күрэс аһаҕас (Дьокуускай куорат пааркатыгар буолар оһуокайга), ким баҕалаах кыттар.

Сайаапка биэрэргэ анкета толоруллар, паспорт ирдэнэр.

 

 

Кыттааччылар бөлөхтөрө 

Бастакы түһүмэххэ:

       17 – 35 сааһыгар дылы

       35 – 55 сааһыгар дылы

55 – 70 сааһыгар дылы

70 – тан үөһээ

 

Кыайыылаахтары наҕарадалааһын. 

Күрэс түмүгэ бэс ыйын 24 күнүгэр Оһуокай түһүлгэтигэр күнүс 14 ч.00 м. биллэриллэр, бөлөҕүнэн кыайыылаахтарга,бириистэр туттарыллаллар.

Гран-при туттарыыта Ыһыах иккис күнүгэр Киин түһүлгэҕэ Ыһыах сабыллыытыгар буолар. Кыайыылаах Дьокуускай куорат баһылыгыттан массыына күлүүһүн тутар.

Номинациялар:

Туймаада Ыһыаҕын 2018 Бастыҥ этээччитэ (Гран – При)

4 бөлөҕүнэн бастыҥнар быһаарыллаллар. Олортон кыайбыттара Саха Өрөспүүбүлүкэтин Дархан этээччитин аатын ылар.

Түмсүү үгэһинэн оһуокайы өйөөччүлэргэ, уһуйааччыларга туспа бириистэр туттарыллыахтара.

 

Быһаарыылар: 

- Сэрэбиэй күрэхтэхтэһии саҕаланыан иннинэ эрэ ыытыллар. Ол кэннэ, сэрэбиэйи тардыбатах этээччи кыттыбат.

-Этээччи кынат дьонун бэйэтэ булан, түһүлгэ саҕаланар бириэмэтигэр бэлэм буолуохтаах. Ыҥырыллыбыт кэмигэр кэлбэтэҕинэ күрэхтэһииттэн уһуллар.

-Этээччи этэр бириэмэтин, Дьүүллүүр сүбэ (бэрэссэдээтэл А.Д.Данилов) буолар күнүгэр быһаарыахтара, хас мөнүүтэ эбэтэр хас чаас буоларын.

- Этээччилэр бириэмэлэригэр эттилэр даҕаны баран хаалбакка, атын этээччини өйөөннөр кынат буолан кытталлара учуоттанар.

-Уус-уран тыла – өһө, ис хоһооно, түһүлгэни тутуу, куолас, таҥас, хамсаныы сыаналааһына Дьүүллүүр Сүбэ балаһыанньатынан барар.

Билсэр телефоҥҥут: (89142385487) – Тарский Александр Лаврентьевич

                                

Возврат к списку